مسجد مصطفى محمود بالمهندسين، واحد من العلامات المميزة جدًا بالعاصمة المصرية ومحافظة الجيزة، حيث يقصده الكثير من الناس سواء في صلاة الجمعة أو التراويح أو الأعياد بالإضافة إلى بعض الناس التي ترغب في الحصول على بعض المساعدات أو للعلاج بالمركز الطبي التابع للمستشفى، موقع معلومة نيوز يكشف لكم كل التفاصيل المتعلقة بطرق الوصول ومواصلات جامع مصطفى محمود.
أقرب محطة مترو لمسجد مصطفى محمود
– أقرب محطة متر لمسجد مصطفى محمود هي محطة جامعة الدول العربية بالخط الثالث أو الخط الأخضر كما يطلقون عليه.
– هناك محطة أخرى قريبة من مسجد مصطفى محمود أيضًا وهي محطة وادي النيل بالمهندسين، لكن محطة جامعة الدول العربية أقرب للمسجد.
ازاي اروح المهندسين ميدان مصطفى محمود؟
1- الطريقة الأسهل للوصول إلى ميدان مصطفى محمود بالمهندسين هو مترو الأنفاق وتحديدًا محطة “جامعة الدول العربية” بالخط الثالث أو كما يسميه البعض بالخط الأخضر.
2- لو كنت في الإسعاف، اركب ميكروباص بولاق الدكرور وأنزل أمام المسجد.
3- لو كنت في التحرير، اركب ميكروباصات بولاق الدكرور من مطلع كوبري أكتوبر وستنزل أمام مسجد مصطفى محمود.
4- لو كنت في ميدا الجيزة اركب باصات امبابة وستنزل بالقرب من مسجد مصطفى محمود.
5- لو كنت في حلوان أوالمعادي، اركب مترو الأنفاق، واستبدل المترو في محطة جمال عبد الناصر واركب الخط الثالث ــ الخط الأخضر ــ وانزل محطة جامعة الدول العربية.
ازاي أروح جمعية مصطفى محمود في المهندسين من شبرا الخيمة؟
1- اركب ميني باص رقم 15 وستنزل أمام جمعية مصطفى محمود مباشرة.
2- اركب المترو من شبرا، وغير في محطة العتبة اركب ــ الخط الأخضر ــ اتجاه إمبابة وانزل محطة جامعة الدول العربية.
ازاي اروح ميدان مصطفى محمود من رمسيس
1- اركب المترو من رمسيس وانزل محطة جامعة الدول العربية أو محطة وادي النيل.
2- اركب من رمسيس أي أوتوبيس أو ميكروباص وانزل محطة الإسعاف واركب من الإسعاف ميكروباصات بولاق وانزل أمام مسجد مصطفى محمود.
3- اركب من رمسيس أي أوتوبيس أو ميكروباص وانزل محطة التحرير، وأقف في مطلع كوبري أكتوبر بالتحرير واركب أي ميكروباص أو أوتوبيس متجه إلى بولاق الدكرور وانزل أمام المسجد.
4- اركب ميني باص رقم 201 وانزل في شارع جامعة الدول العربية أمام مسجد مصطفى محمود.
5- اركب ميني باص رقم 133 وانزل في شارع جامعة الدول العربية أمام المسجد.
ميدان مصطفى محمود بالمترو
اركب مترو الأنفاق وانزل محطة جامعة الدول العربية بالخط الثالث ــ الخط الأخضر ــ وستجد نفسك أمام مسجد مصطفى محمود بالمهندسين.
